SI VUJE SAPISSEVE…
Si vuje sapisseve che sto passanno,
sto tutt’’e nnotte, ccà, nun dormo e aspetto
na miciarella di grazioso aspetto
ma è ntussecosa…, e che me fa passà!
Quando m’’a trovo annanze, fa ‘e dispiette,
sculetta, move ‘a coda, ncoppa e sotto,
faccio le fusa… essa se ne fotte
e io nun saccio cchiù comme aggia fa!
Io ca tengo nu nomme, int’’o quartiere…,
songo nu sciupa-gatte riverito,
pe’ sta micella me so’ rimbambito…,
ma proprio a mme, aveva capità?
Aggio cercato aiuto pure ‘a luna:
- “ Stanotte – ha detto – no, stongo occupata…”-,
ma posso sta accussì, n’ata nuttata?
No, nun è cosa, me vaco a cuccà!
Ca ll’ata sera, io me lamentavo,
m’hanno buttato ‘e scarpe, dal terrazzo…,
ma ‘o ssanno, lloro, ca sto ascenno pazzo?
Ma che ne sanno si stongo a suffrì!
4.5.2015
Vincenzo De Bernardo
Nessun commento:
Posta un commento