Vincenzo De Bernardo ‘E PRIMME TIEMPE

‘E PRIMME TIEMPE

‘E primme tiempe, quando se vo’ bene,

se campa per inerzia, sulamente,

ce sta qualcosa e t’occupa la mente

ma nun ‘o ssai e nun ‘o vuò sapè!

Nun te dumande: ma comm’è succieso,

nun t’interessa comm’è capitato,

tu sai sultanto ca stai nzieme a n’ata,

‘o munno, attuorno, po’, pure carè!

T’adduorme, ‘a sera, cu chillo pensiero,

te scite e ‘a tieni, già annanze all’uocchie

e siente, già, ‘o sapore, mpont’’a vocca

‘e chillo bacio chino ‘e voluttà!

E nun se pensa: mò, che me succede…,

oggi…, stasera…, dimane…, che faccio…,

ormai, tu piense solo a chella faccia

e, l’ora, nun vire ‘e l’accarezzà!

16.5.2015

Vincenzo De Bernardo