Gennaro Sansone ’O libbro

’O libbro

di Gennaro Sansone

E’ stato stammatina, verso l' otto

io stevo sistimanno 'a libbreria,

quanno me trovo mmano, all' improvviso,,

'nu viecchio libbro 'e filosofia.

'ncoppe a 'na primma paggena 'ngialluta,

ce stà scritto 'nu nomme 'int' a 'nu core .

Giesù, vi' quannu tiempo ca è passato !

Ma chistu nomme m' 'o ricordo ancora...

'Na dedica ca ha fatto 'o primmo ammore ,

Anna Capece, 'na cumpagna 'e scola .

Trent'anne so' passate... pare ajere !

Tanta ricorde dinte a 'na parola ...

M' 'o leggo ancora, comme a 'na preghiera ,

e po' m' o vase, comme a 'na figliola .

Quanta cose se perdeno 'int' 'o core

Se dice e, è proprio overo , 'o tiempo vola...