Oggi l’uomo è in grado di fermare
e bloccare tutto. Solo di fronte a
Lui resta inerme, impotente.
di Carmine Barretta
‘O TIEMPO
Nisciuno maje c’ha miso ‘e mmane,
nemmeno ‘o meglio scenziato.
Nun canosce né ajere né dimane,
cammina e passa senza piglià sciato.
Passa e mangia, tutto arravoglia,
maje se guarda attuorno, maje arreto.
Se dice ca sana quanno tene ‘a voglia,
‘e fferite ca lassa cu chillo còre ‘e preta.
Ma nun è overo ca passa lentamente,
passa, sì, ma scava profondamente.
Nun servono ’e pparole e né ’o penziero...
Va sempe annanza e nun canosce ajere.
Muto, pare ca fa ll’indifferente,
senza farse vedè, quase scurnusamente,
accussì lieggio che pare trasparente...
ma passa…passa…inesorabilmente!
Nessun commento:
Posta un commento