Vincenzo De Bernardo DIMME CHE VUO’

DIMME CHE VUO’

Dimme che vuò, tenimmo tutt’’o tiempo,

nun c’è nisciuno ca ce corre appriesso,

qualsiasi cosa, ‘o ssai, pe’ mme, è lo stesso,

basta ca me fai sta strignuto a te.

Sarà na sensazione, nun ‘o ssaccio…:

sta stanza, pare, ca nun tene mura,

cu te io veco ‘a luce ‘a dint’’o scuro,

me pare ‘e tuccà ‘o cielo, ncuollo a te.

No, ferma, statte ferma, ce pens’io…,

te voglio accuntentà in ogni cosa,

chello che vuò: ‘a poesia e ‘a prosa,

stasera tengo voglia ‘e recità!

27.5.2015

Vincenzo De Bernardo