Raffaele Viviani
Amicizia è n'acqua chiara,
cristallina, trasparente,
ca s'appanna dint'a niente
e pirciò ch'è cosa rara.
Cchiù 'amicizia è bella e cara,
cchiù se sporca facilmente:
'mmisturata 'a tanta gente
ca te lassa 'a vocca amara.
Chi 'a vo' limpida 'e durata,
nn' 'a sfruttasse pe' prufitto,
s' 'a tenesse, comm'è nata,
dint' 'o core. E llà, 'amicizia,
quanno 'o calculo sta zitto,
nun se sporca e nun s'avvizi.
Nessun commento:
Posta un commento