Carmine Barretta ‎QUANDO L' AMORE DIVENTA POESIA

Carmine Barretta 

 ‎QUANDO

 L' AMORE DIVENTA POESIA

Ci trucchiamo, cerchiamo in tutti i modi

di apparire, e forse è anche giusto farlo.

Ma la sera, a letto, quando non c’è nessuno 

e restiamo da soli, tutto appare nella sua

realtà. E’ allora che si riflette.

di Carmine Barretta

‘O TIEMPO NUN PERDONA

Tu duorme, staje ccà, vicino a mme:

te guardo, tiene ll’uocchie ‘nchiuse.

‘A quant’anne ce canuscimmo io e te:

faccio ‘o cunto e sento ll’uocchie ‘nfuse.

‘Mmiez’ê cciocche d’’e capille, file janche:

ma tu pe civetteria nun ‘o suppuorte.

Te faje ‘a tintura, pure ca te stanche,

e te l’accuonce quanno arap’’a porta.

Te conto ‘e rrughe, mentre tu respire,

me piglia ‘nu desiderio ardente ‘e te vasà.

Te vulesse astregnere, pe te sentì vicino,

ma me mantengo pe nun te fà scetà.

Quanti tempesta ‘ncuollo avimmo avuto,

quanti rresate ca nce simmo fatto.

Dulore e ggioia, tutto ammo spartuto...

nce simmo truvate viecchie all’intrasatto.

Mo ‘e figlie ce guardano dint’all’uocchie,

e ‘a vita nosta songo ‘e nneputelle.

Nuje simmo addeventate ddoje pellecchie...

ca ognuna pe chell’ata... è ‘na stanfella!