ME L’ASPETTAVO, SI…
Me l’aspettavo, si, ca nun veneva,
io m’’o ssentevo ca nun fosse venuta,
l’aggio capito, beh, ‘a chella chiagnuta,
l’ultima vota, quando stette ccà!
Purtroppo, si, ‘o ssaccio, ho esagerato,
mai na parola doce, na carezza,
so’ ghiuto annanze, sempe, c’’a certezza
ca mai e poi mai me putesse lascià!
E. mò, primma ca se fa troppo tarde,
l’aggia chiammà pe’ di’ ca me dispiace
o, forse, è meglio si ‘a lascio in pace,
nu pare ‘e juorne, ‘o tiempo ‘e se calmà!
E, po’, ‘a vaco a aspettà, sott’’a casa,
cu nu canestro chino ‘e rose rosse,
a riseco ‘e le fa venì na mossa,
le dico: “Rusinè, tuorne addù me!”-
5.5.2015
Vincenzo De Bernardo
Nessun commento:
Posta un commento