N’amico, si è n’amico ca è sincero
te porta sempe appriesso ‘nfunno ‘o core
e quanno tù le scurre ìnt’’o penziero
te vò telefonà e nun vvede ll’ora.
Se parla ‘e tiempe bbelli ca sò state
ch’’e vvoce emozzionate d’o piacere
ma pò tù tuòrne? Ognuuno dice a ll’àto
vulesse turnà arèto comme ajere.
Che ‘nfame ‘sta necessità d’a vita!
‘Nu juòrno ce ha vulùto afforza spartere
ma ‘a colpa nunn è ‘a nòsta ggira ‘a ròta
ma ll’amicizie nun se pònno perdere.
Meglio a nun ce penzà basta ‘a salute
mannaggia chesta scema ‘e nustalgia!
Dìnt’’a vita non tutto ci è dovuto,
nun và sempe in parallelo chesta via.
Ma ‘o ssàje ll’amìce nun sò tutte euàle
ognuno ha le sue peculiarità,
ma tù pe mme sì amico assàje speciale
e tutt’’o riesto appriesso po aspettà.
A luntananza ‘o ssàje è comm’’o viento
ce fa sèntere ma nun ce fà vedé
ma l’amicizia forte astregne ‘e riénte
sì’o meglio amico e spero ì sò ppe tte!
Mimmo Coppola
Nessun commento:
Posta un commento