Gennaro Sansone 'Na corza

'Na corza

Gennaro Sansone

'O tiempo è sempe poco pe' fa 'e ccose,

ca tiene 'ncapa e ca vulisse fa,

'e vvote penzo, simmo comme 'e rrose,

tenimmo pochi juorne pe' campà...

Nun faje manco a tiempo pe' partì

e si t'avuote, già staje a mmità,

'o passo è sempe 'o stesso e va accussì,

pure vulenno nun può rallentà .

Arrive e te ne accuorge a ll'improvviso,

ca 'a vita corre senza se fermà,

già si' arrivato fora o' Paraviso,

e si t'avuote, che t'avuote a ffa ?!