Anna Riccone AGGI’ ’A DICERE GRAZZIE A DDIO

AGGI’ ’A DICERE GRAZZIE A DDIO 

Pochi pperzone a mme m'ànno apprezzata

ma i' cu 'e parauocchie 

aggiu cammenata. 

Pure si tenevo 'o dulore

assaje forte dint'ô core;

facevo finto 'e niente 

e ppure a mmente

nun penzavo ô sentimento.

E ssenza me fermà se jeva annanze 

Ma i’ prijavo sempe cu speranza..

Po 'e frutte so' sciurite

dinto a cchesta vita.

'O tiempo m''à dato 'e ssuddisfazzione,

aggiu vinciuto contro ê mmalazzione

i 'e chesto ogge dico:

" GRAZZIE A DDIO"

ca me diceva sempe : "figlia mia

tu pe mme sî prezziosa

tu nun sî 'na delusione".

- " dDio nun m'à maje abbandonata

oltre ê mmeje aspettative so' arrivata

ce ll'aggiu fatta e mme sento rializzata

e mmo me sento amata.

M'à dato ggjoa e ffelicità

e 'sta richezza nun se po’ accattà 

ma, si vuò, dDio pure a tte t''a po’ dà 

basta sulo ca 'o saje chiammà " .

Anna Riccone