Carmen Auletta SE N'È GHIUTA 'A NONNA

Carmen Auletta


SE N'È GHIUTA 'A NONNA


Ambressa se n' è ghiuta 'a vicchiarella
e ddint' â stanza stongo sola sola.
Nun ce senteva proprio, puverella,
nunn avimmo scambiato 'na parola.

Ma bene era accudita d' 'e pariente,
ch' erano tutte giuvane nepute.
E nnun se spazientevano pe nniente
p'ogne pparola sempe ripetuta.

Dint' ê spidale 'e Napule è nnormale
ca ce sta d' 'e pariente 'nu viavaje
ma 'sta nonna sarrà overo speciale
ca 'sti nepute 'a vonno bene assaje!
Carmen Auletta