Giulio Mendozza Cielo e mare

Giulio Mendozza



Cielo e mare



Na cuperta celeste è stu cielo
che sta notte se ‘nfonne int’’o mare.
A miliarde so’ ll’uocchie d’’o cielo..
tutte stelle ca perciano ‘o mare.

E tremmano p’’a volta d’’o cielo,
fanno ‘a spia mmiez’a ll’onne d’’o mare
pe guderse po ‘a coppa a stu cielo
‘e tesore annascuse int’’o mare.

Tu pe mme si’ ‘o celeste d’’o cielo,
tu pe mme si’ ‘a priezza d’’o mare,
sì ‘a cchiù bella d’’e stelle d’’o cielo,
si’ ‘o cchiù ricco tesoro d’’o mare.