SALVATORE TOLINO MARE E LUNA

 MARE E LUNA



Sciacqua e risciacqua stu mare,

s’accartoccia nterra a’ rena,

mette frange attorno ‘e scoglie,

po’, te piglia ‘a luna chiena,

sguazzarianno, ll’arrevoglia,

t’’a sfrantumma dinto a ll’acqua,



ne fa ciento, mille piezze

tutt’argiento, e l’accarezza,

l’accarezza mentre ‘e sciacqua

sti pezzulle ‘e luna chiena

ca. miscannele cu ll’acqua,

l’accartoccia nterra ‘a rena.



SALVATORE TOLINO