Filomena Di Sarno 'A FENESTA!

'A FENESTA!

Ll'aria s' è fatta fredda dint' 'a stanza, 

'nu bbrivido me saglie lentamente,

me so' ggelata, ma non ha importanza, 

quanta ricorde sceta... 'stu mumente!

Quand'ero guagliuncella m'affacciavo,

'a 'sta stessa fenesta ogni matina,

ero felice, e 'a mammema abbracciavo,

mentre cantava allera 'int' 'a cucina!

Guardavo 'o panorama, ero rapita...

'O mare mme pareva do' tucca',

il cielo lo sfioravo con un dito,

stevo ore e ore ferma, a llo' guarda'!

Cara fenesta mia si' testimone

'e tutt' 'e suonne ca facevo allora,

mo' spalancata staje senza raggione...

Sultanto 'o friddo puorte dint' 'o core!

Filomena Di Sarno.

(Diritti riservati)