QUANDO ME TENIVE MBRACCIO
‘A no’, quando me tenive mbraccio,
io ero piccerella e nun capivo
ma, mò, ca saccio chello ca facive,
vulesse tenè, mbraccio, io a te!
Mammà al lavoro e tu che m’accudive,
‘o biberon c’’o llatte, ogni matina,
cu te, po’, me tenive, int’’a cucina,
mentre io durmevo, tu stive a stirà!
E, po’, cchiù grossa, me purtave ‘a scola,
precisa, a mezzogiorno, me pigliave,
‘a casa, pe’ na mano, me purtave,
addò ce steve pronto, già, ‘o mangià!
Sti ccose me l’ha raccontate mamma
ed io pe’ chesto ti son sempre grata,
m’arraccumanno, nun carè malata,
ca, mbraccio, nun ce ‘a faccio a te piglià!
Vincenzo De Bernardo
Nessun commento:
Posta un commento