Giulio Mendozza
Ma comm’è ddoce ‘a mano ‘e na criatura
quanno, tennera, t’accarezza ‘a faccia.
Pare ca dice: “Nun avè paura,
cca ce stongh’i’, allongame sti bbraccia.
‘ A vita è cupa. Tante so’ ‘e turmiente:
‘mbruoglie, sgambette. amice senza core,
malanne, tradimiente a ciente a ciente,
gente ca se vennesse frate e sore..
Ma sta manella ‘nfaccia, ncopp’’a fronte,
è balsamo ca tutto fa scurdà…
Cchiù ‘e fuoco’ncielo pareno ‘e tramonte,
cchiù luce ‘a luna pe te fa sunnà.
Ma comm’è ddoce ‘a mano ‘e na criatura!!
Nessun commento:
Posta un commento