Geluso songo
di Romano Rizzo
Geluso songo ‘e ll’aria che respire..,
a te vulesse stà sempe vicino,
bucciuolo ‘e rosa cu dduje uocchie nire
e sti capille, culore ‘oro zicchino.
Chesti pparole meje, nunn’e vuò ‘ntennere,
tu ride e abballe e ‘e me, nun te ne cure..
ma chesta vocca ca prufumma ‘e fravula,
ll’aggio a forza pruvà..ne so’ sicuro!!
Sta freva ca m’hê miso dint’’o core,
surtanto nu migliaro ‘e vase ardente,
‘a po’ cercà ‘e stutà, si pe tramente
a me me faje capì che d’è ll’ammore.
Azzicco fatte a me, pe nu mumento,
tutt’’o zuccaro tuojo, caccialo fore
e doppo, chianu chiano, finalmente
fa’ tutto chello ca te dice ‘o core..
Si ‘mpietto forte s’è appicciato ‘o ffuoco,
na cosa seria è, nun è nu juoco…,
nun ce vo’ acqua gelata p’’o stutà…
ll’ammore sulo.. ‘a pace te po’ dà !!
Nessun commento:
Posta un commento