Vincenzo Messina Nun crescere guagliò

Nun crescere guagliò

 Vincenzo Messina

Nun crescere guagliò, stamme a sentì'..

'a vita è nu mistero gruosso assaje

e si te miette 'ncapo d''a capì'

te miette 'int'a nu guaio, nun sia maje...

Tu vide 'e schiarà 'o juorno e se fa notte,

vide ca mentre chiove, jesce'o sole,

vide ca chella rosa nasce e more,

vide ca magne e tiene famme ancora...

Allora abbia a penzà, comm'è 'stu fatto

pecchè ero guaglione e mmo so' viecchio..

io ero giovane pimpante e arzillo

e mmo nun riesco a me mettere 'e scarpe.?...

Nun crescere guagliò, nun fà 'stu sbaglio..

pò' te ne piente e nun può turnà' areto

te guarde dint'o specchio e vide a n''ato

ca nun te piace, chillo nun si' tu...!!