Carmine Barretta
NAPULE MALTRATTATA E…
Veco Napule â matina,
e nun me stanco da guardà.
E m’’a sento cchiù vvicino…
Quanno ‘a veco ‘e maltrattà!
I’ vulesse dì a ‘sta ggente,
ca nun ‘a sanno rispettà:
“Site ggente malamente…
Ca vo’ ‘o mmale ’e ‘sta città!”
Nce site nate, crisciute e ppasciute…
Dicitemmello: ‘A do’ site asciute!?
Napule ve guarda, cu tanta pena,
site povere ‘e core, chine ‘e veleno!
Jate ‘nu mumento a San Martino,
affacciateve ‘nu poco dâ terrazza.
‘A sotto ve sentite ‘o cuncertino…
E Nnapule canta chiena ‘e speranza!
E si tenite ancora ‘o core ‘mpietto,
e ‘o sanco dint’ê vvene chiamma,
facite ll’uommene, senza fà rispiette…
vuje site figlie…Essa è sempe ‘a Mamma!
Carmine Barretta
Nessun commento:
Posta un commento