Pagine

giovedì 10 novembre 2016

Aldo Grazzi 'A ROSA CCHIU’ BELLA

'A ROSA CCHIU’ BELLA

 Aldo Grazzi

Marì! Quanta vote ca te chiammo!
Marì! Quanta vote ca te sonno!...
Si te penzo stu core se 'nfiamma,
p''o stutà 'e parole nun ponno.

Io te voglio tené dint''e bracce
pecché sento ca forte è ll'ammore,
io te voglio vasà pecché saccio
quanta gioia tu risse a stu core.

Tu pe' mme si' 'a cchiù bella d''e rrose
ca me stona p'addore ca tene,
tu si' bella, gentile e cianciosa
e faje vòllere 'o sango 'int''e vvene.

M'addimanno:- Ched'è 'o Paraviso? -
E nun saccio spiegarme pecché,
si sultanto me faje nu surriso,
chisto 'o veco felice cu tte!






Nessun commento:

Posta un commento