Tramonto ad Amalfi
Chesta luna chiano chiano
esce ‘a fora quann’è sera
e, chi ‘a guarda ‘a luntano
int‘ô core sujo già spera.
Mmiez’ ‘o mare, acqua e sole,
già se vasano int’ ô russo
e nun mm’ escono ‘e pparole …
m’arrrimanan’ int ‘ô musso!
Ij vulesse di’ ddoje versi
pe’ parlà ‘e chest’incanto
ma chest’uocchie se so’ persi
‘nzieme ‘e suonne ‘e tutte quanti.
Si tu si’ napulitano,
nun ‘o truove in tutt’ ‘o munno,
stu tramonto amalfitano
mmiez’addore ‘e chesti fronne :
So’ ‘e limoni ‘e chesta terra,
e ‘o culore se confonne
‘nzieme ‘o sole ca se ‘nzerra
pe’ t’arricreà ‘sto suonne .
Se cunzola tutt’ ‘o core
alla luce ‘e chesta luna
e chi ccà, po’ ffà l’ ammore,
sa ca téne ‘na fortuna!
Maria Clotilde Cundari
Nessun commento:
Posta un commento