Si fosse overo
Si fosse overo ca me staje penzanno
si fosse overo 'na jurnata doce
e invece 'o chiaro 'e luna cchiù me danna
e 'o core mpietto vatte e se ne coce
Si fosse overo, 'o mare, cummigliasse
ogni pprincipio 'e tutt''e nfamità
e invece allicca 'a rena e po' arrepassa
ogni rragiona chiena d'onestà.
'E vvote quanta smanie senza suonne
pecchè 'stu munno fraveca bucie
e ddint''e mmane cantano tempeste
e ncuorpo 'a mme tanta malincunia .
'e vvote sonno e sonno ma a cchi 'o ddico?
Esiste 'o vero chesta verità?
Me ll'afficuro int'o penziero e trico
e perdo ô filo e 'nte pozzo chiammà.
Biagio Merlino
Nessun commento:
Posta un commento