Maria Clotilde Cundari Aggio guardato ‘a luna

Aggio guardato ‘a luna

Ih che nuttata!

Stu cielo s’è scucciato

e nasconner’ ‘e guaje,

e tanno, ha appicciato

tutt’ ‘e lluci ‘ncoppaa ‘sta città.

Nun s’è fatto specie

‘e fa’  vede’ tutt’ ‘o mmale ca ce sta

e pe’ tramente ha mise tutt’ ‘a fore :

‘a miseria, ‘a cattiveria,

‘e vizzi , ‘a malasciorta…

Pare, comme  vulesse  sfida’

tutti quanti , na bbona vota,

dicenno: nun putite sempe

fa’ finta ‘e niente,

vuje avite fa’ vede’‘sti fetenzie,

 s’adda sape’ ca esiste ‘o malamente!

 ‘A notte , si ‘o nasconne,

‘o ffa pe’ ppoco,

ma poi schiarat’ ‘ojuorno,

a’ doppo che succere?

Facite finta ‘e ve maraveglia’?

E non va bbuono …

perciò ha appicciato‘o ffuoco,

e senza sconti o preferenze

‘nce ha miso annudo tutte‘st’ indecenze …

E tanno, j’ aggioguardato ‘a luna,

vulevo vede’ che faccia aveva…

e ‘o vero, a me nun me pareva,

d’averla vista mai brilla’ accussì,

ma sotto sotto poi,  m’ha cunfidato …

stanotte, essa,vuleva scumpari’!                  

Maria Clotilde Cundari