Filomena Di Sarno 'A LIRICA CCHIU' BELLA!

'A LIRICA CCHIU' BELLA!

 Filomena Di Sarno

'A lirica cchiu' bella 

nun l'aggiu scritta ancora,

'o ppozzo fa' fra 'n'attimo, 

'o ppozzo fa' fra 'n'ora...

Fra 'n'anno, fra 'nu mese 

oppure a 'stu mumento,

appena 'a penna scrive

chello ca' tengo 'mmente!

*

E 'nu capolavoro 

sarra' sicuramente,

parlarra' 'e 'nu silenzio

ca' è fatto 'e tutto e niente....

Oppure 'e 'nu ricordo 

nustalgico...luntano...

'Ncopp' 'o foglio, chiagnenne,

scivolarra' 'sta mano!

*

'A lirica cchiu' bella, 

nun l'aggiu scritta ancora,

chisa' si maje 'a farraggio,

chisa' si maje esce fora...

Saccio sulo ca' esiste...

ca primma o poi accumpare,

sarra' chella cchiu' bella..

.pecche' ll'ha scritta 'o core!