A cchest’ora
di Romano Rizzo
Quann’è cchest’ora, ‘nfaccia
te vene a vvasà ‘o sole
e tu, arapenno ‘e braccia,
nun dice ddoje parole.
Arreto a sta fenesta,
te guardo e sto a sperì;
vulesse essere ‘o sole
pe tte vasà pur’i’ ..
I’ già me sonno ‘o ffuoco
‘e chella vocca toja,
ffuoco ca nun abbruscia,
ma fa mpazzì p’’a gioia.
‘O sole t’accarezza,
te scarfa e tte cunzola..
e stu penziero mio
pe mmiez’ô cielo vola.
Te muove, stienne ‘e braccia
e staje pe tte nne ghì..
Stu ‘nfamo ‘e sole caccia
nu suonno mio..accussì !!
Nessun commento:
Posta un commento