Penziere
di Romano Rizzo
Si te firme nu poco tu a penzà
a chello ca è succieso o che sarrà
restarraje certamente scunsulato
e nisciuno cunforto può truvà.
Chello ca t’è succieso nzino ajere,
si male ha fatto, nun t’’o scuorde maje,
e si ‘e ricorde te fanno priggiuniere,
c’’o tiempo, te farranno male assaje.
Ma si, mmece, te pruove a ‘mmagginà
dimane ‘a sciorta che te po’ purtà,
mentre ca attuorno tutto va cchiù peggio,
tutto vide pesante e maje cchiù lleggio.
Amico bello, si vuò campà cuntento,
lievete ‘a capa tutte sti penziere:
chello che conta è sulo stu mumento,
senza penzà a dimane oppure a ajere!!
Nessun commento:
Posta un commento