Chitarrata
di Salvatore di Giacomo
Chella ca sta chitarra sta sunanno
canzona malinconica nun è ;
suspire e chianto nun m’abbrucarranno..,
te può mettere a ssentere, Cuncè..
Parole dint’’e llacreme ammiscate,
bella ‘mbriana mia, cheste nun so’ :
nun so’ lamiente eterne e disperate,
‘o ssaccio ca llamiente nun ne vvuò.
Capace te si’ fatta finalmente ;
te si’ ddicisa e mme ll’hê fatto ddì..
“ Venesse Martedì, sicuramente…”
E vvì cca, so’ vvenuto.. è martedì..
Sona chitarra ! Sona ‘a serenata !
E a sta fenesta affaccete, Cuncè !
Guarda che luna ! Guarda che nuttata !
E sta canzona mia, dimme..comm’è..?
Nessun commento:
Posta un commento