Eduardo De Filippo Mamma mia

Mamma mia

Mamma mia, te tengo attuorno

d’ ‘a matina nfin’ a sera;

vierno pare Primmavera

mò ca staje sempre cu me.

Si fa viento tu me parle,

mmiez’ ‘o mare sento: “Figlio!”.

Si me serve nu cunziglio,

dint’ ‘o scuro viene tu.

Mamma mia, mamma mia bella…

Quanta vote penzo a quanno

se pò dì ca dint’ a n’anno

ce vedevemo sì e no!

Giuvinotto me sentevo

capuzziello, preputente…

Te sò figlio overamente

mò ca nun te tengo cchiù.

Eduardo De Filippo