NUN SIA MAIE
Si asciuta dint’a nu capriccio ‘e sole
scetata cu’’o profumo ‘e n’alba chiara
so’ palummelle doce sti parole
che staje dicenno-comme mme si cara!
L’uocchie so’ specchio ‘e perle ‘mmiez’’o mare
‘a vocca toja carnosa è na cerasa
e l’oro d’’e capille mo me pare
na ricchezza ca regna ‘int’a sta casa.
Addò campammo nuje che a bbona ‘e Dio
ancora ce vulimmo tantu bbene
è nu gemello ‘o core tuojo cu’’o mio
che sbatte forte e fa tremmà sti vvene.
Una cosa però t’arraccumanno,
e so’ sicuro nun m’’a negarraje,
quanno facimmo amore, e sulo tanno,
nun di’ ca te sfastidie, nun sia maje!
La donna che legge questi versi, bionda o brunetta, che essa sia, immediatamente se li...versa addosso...come se fossero suoi...ogni donna del mondo leggendoli, si trasforma nella donna a cui sono forse dedicati questi versi bellissimi.
RispondiEliminaE' un'illusione che il poeta stesso ha chiesto senza chiederlo. e che da' senza donarla;. bellissima poesia !! A nome di tutte le donne del mondo, ti ringraziamo, Luciano Somma ! tuberosa.