Anna Riccone 'NA MAMMA

SO' BRACCE ETERNE CHELLE 'E 'NA MAMMA

Pe tte se mette 'ncroce,

e sse 'o dulore è atroce

nun se ne fa capace.

So' bracce eterne 'e ssoje;

quanno staje dint'â guaje,

nun t'abbandona maje.

Ma tutto à dda ssapè

si te vo' sostenè.

'Na mamma tutt''e ssere,

sta cu mmille penziere,

e aspetta 'o figlio sujo;

sta lla fore 'a fenesta,

cu ll'uocchie russe e triste.

E sse a tiempo nun vene

soffre cu mmille pene

Nun dorme si nun torna

chesto fa tutti 'e gghiuorne

Anna Riccone