Carmine Barretta Ricordi tristi & company.

Ricordi tristi & company.
‘A SEGGIA
Ajere, doppo diec’anne,
p’’a primma vòta…
‘a chell’ultima vòta…
So’ stato â casa ‘e mamma.
‘A seggia a capa ‘e tavola
era vacante, steva essa sola…
‘a tenevo propio annante.
Io mangiavo e penzavo,
penzavo e mangiavo,
sempe ‘a seggia guardavo…
…’o mangià nun scenneva.
‘Na cosa mancava…
Mamma cuseva…
ma nun pepetiàva…
e io niente ‘a dicevo.
Io ‘na voce sentevo…
ma nun ce credevo…
mentre penzavo:
“Meglio nun bevo”.
“ISSO” nun ce steva!
Ma a mme pareva
c’’a seggia parlava…
c’’a seggia fumava.
Fumava e parlava,
parlava e fumava.
Pareva diceva:
“Sto ccà! Nun me vide?
Carmine Barretta