A Pino.
di Carmine Barretta.
Me so' scetato ambressa stammatina :
me so' affacciato, Napule chiagneva.
Lacreme amare mentre chiammava a Pino...
Essa alluccava ma 'o figlio 'un rispunneva.
"Povero figlio mio, addo' si' gghiuto,
n'atu piezz''e 'e me s'hanno pigliato.
Me sento cchiu' sola mo ca si' partuto...
Strigniteve cu me, vuje ca restate".
Napule chiagne e nnisciuno ca 'a cunzola:
'a ggente 'a guarda e ppo avota 'a faccia.
Ca chesta morte nce facesse scola...
E llevasse 'a dint''e core tutt'arraggia.
Nessun commento:
Posta un commento