Patrone d''e stelle
Addò starraje ca nun te veco oje bella
mo ca nun sento cchiù chella resata;
si nun te veco nun me tremma 'a pelle
e chistu core anfine sta' 'ncrippato.
Nu Girasole era sta capa mia
pure si 'o sole se n'eva trasuto,
e mo me magno pane e pucundria
e ppenzo a cchesta lampa ca se stuta,
Nun pepeteo cchiù si 'ncopp''a ciglia ...
fermata s'è na goccia, un c'è cche ffa
tengo tesore e nun tengo maniglie
ca porta chiusa pozzo spalancà,
T'avesse ammeno dato quacche vaso
pe me zucà stu mmele ca me danna;
ma so seccate tutte chelli rrose,
mo stamme a vvierno e a vvierno 'nse ne fanno
Ero patrone 'e stelle e mo so' niente;
tenev''o cielo scuro trapuntato:
ma dint''a notte 'stregno sulo viento,
e senza st'uocchie 'o cielo sta 'nquitato…..
E' asciuto 'o sole, int ''all'immenzità.
tutto rispira e sceta sango e vita.
Passa nu raggio : senzo 'e libertà
'a primmavera , vocca sapurita
Biagio Merlino
Inedita Diritti Riservati
26 01 2016
Nessun commento:
Posta un commento