Ferdinando Russo LACREME ANTICHE...

LACREME ANTICHE...

di Ferdinando Russo.

Na làcrema amara te scenne,

spremmuta dall' uocchie abbruciate...

Tu chiagne 'o ricordo d' 'e ccose passate

e pienze all'Ammore, ca mai turnarrà!

Tu chiagne... Sta vocca te tremma...

vò dicere quacche parola...

Nun nomme te saglie dall' anema sola...

Ma, stanca d' affanno, tu siente a parlà.

Stu nomme 'o cunosco! Na sera

c' 'a luna scenneva int' 'o mare,

'o core sentette stu nomme chiammare,

e a te s' accustaie, pe te cunzulà...

Ma tu, sola e trista, cu l'uocchie

da 'o chianto d'Ammore abbruciate,

chiagnive 'o ricordo d' 'e ccose passate,

chiagnive l' Ammore, ca mai turnarrà!