Pagine

martedì 22 dicembre 2015

NATALE Bruno Zapparrata

NATALE 

 Bruno Zapparrata 

Nu suono 'e zampogne saglieva d''e vvie,
spannenno pe ll'aria 'o sapore 'e nnucenza,
'a nonna  metteva ddoie pigne ò vrasiere
vulava p''a casa l'addore d''o ncienzo...
Suvero 'e legno, 'o nonno nchiuvava,
rocce, sagliute, 'a grotta, na scesa,
cu quanta pacienza 'a colla squagliava
pe farce 'o Presebbio: Quant'angele appise...
E nuje piccerille aspettavemo 'a festa,
che doce 'a nuvena vicino 'o camino...
nuvena 'e nu tiempo, sparute so' 'e suone,
che malincunia, so' mute 'e zampogne...
'E ccase so' fredde, ce manca 'o calore,
'o tiempo 'e na vota ha perzo 'o valore,
e resta 'o ricordo ca pure va 'e pressa,
d''a tombola, 'e nummere e ll'ora d''a messa...
..............
Campana a ffesta, nasce 'o bammimo,
luce na stella, Natale addo' sta'...
vola penziero, cammina, cammina...
tuorne cu 'e suonne a tant'anne fa....

Bruno Zapparrata








3 commenti:

  1. Non so come ringraziarti, è una poesia che io posto solo in questi giorni, è datata...Inclusa nella mia prima silloge TU, MALINCUNIA Edizioni del delfino 1986. Grazie Anna non immagini quanto ti sia grato --Auguri e buone feste.

    RispondiElimina
  2. Che dirti,Bruno,le tue poesie sono fra le più belle che da anni leggo su fb,te lo dico col cuore...sono piene di sentimento e perche' la lingua napoletana affascina tutti

    RispondiElimina
  3. Cosa Dirti Antonella una professoressa e soprattutto poetessa come te con anni di Radio nella bellissima Palermo con un commento meraviglioso mi hai aperto il cuore a mille emozioni come quando il cielo, a sara all'improvviso si riempie di stelle in una atmosfera serena. Grazie grande amica e un bacione a Palermo che per anni mi ha visto suo ospite per ragioni lavorative...Un abbraccio.

    RispondiElimina