Pagine

giovedì 5 novembre 2015

Filomena Di Sarno 'NCE VO' PACIENZA!

'NCE VO' PACIENZA!
Quanta pacienza, ca 'nce vo' 'a 'stu munno,
si nun ce stesse, ll'avessero 'nventà...
Chi nasce quadro, nun deventa tunno,
mammà 'o ddiceva sempe...è vverità!
'E ddoppie facce, se contano 'a migliare,
so' ccane 'e presa vestute 'e simpatia...
Pronte 'a dda' muorze appena ca te ggire,
chesta nunn'è coerenza...è malatia!
E fossero, sultanto 'e doppie facce...
'A vita quotidiana è 'na battaglia,
tanti songo 'e penziere, nunn 'e cacce,
p' 'a casa...p' 'o lavoro...p' 'a famiglia!
Quanno te truove sulo, cu' tte stesso,
te vene 'a di': Ma 'a mme, chi m' 'o ffa fa'?
'A vita è una, e io nun songo fesso...
Ma 'n' ata soluzione nun ce sta'!
'Nce vo' pacienza...e po'...pacienza ancora,
ma prima 'o ppoi fernesce, e p' 'a truvà,
s' 'a dda ggirà pe' cielo, terra e mare...
Nisciuno 'a venne...nisciuno 'a vo' 'mprestà!


Filomena Di Sarno.
(Diritti riservati)







Nessun commento:

Posta un commento