ANTONIO RUGGIERO PANNE SPASE

E' incommensurabile il dolore d'una mamma per la perdita d'un figlio.

PANNE SPASE

Quann’’int’’o vicariello ‘o sole trase

s’arapene feneste e barcuncielle;

piccèano ‘ncopp’’e ffune ‘e panne spase

quanno nce votta ‘o ppoco ‘e ventariello.

Fra tanta panne spase,’Mmaculata,

spanne nu cazunciello ‘e lanettina;

dice ca ‘o figlio suoio se l’ha spurcato,

e ppuntualmente ‘o ppenne ogne mmatina.

Chi ‘a sente se sta zitto e ccapuzzéa

penzanno a cchello ca ll’abbrucia ‘mpietto;

songhe quatt’anne già ca mo sbaréa,

p’’o figlio muorto nun trova arricietto.

E ‘o lava e ‘o spanne chillu cazunciello

quann’’int’’o vicariello ‘o sole trase,

e qquanno scioscia forte ‘o ventariello

piccéa pur’essa ‘nziem’’e panne spase.

14--10--1995 ANTONIO RUGGIERO