NO, NUN PARLATE…
No, nun parlate, mammà sta durmenno,
stanotte, appriesso a mme, è stata scetata,
io tenevo ‘a freva…, m’ha curata,
una continuazione a controllà!
‘A freva superava ‘e 39°
e nun ve dico che m’ha cumbinato…,
‘e ppezze fredde, nfronte, m’ha piazzato,
appena calde, ‘e steve a sostituì!
Essa, a fianco a mme, int’’a pultrona,
cu ‘a mano, ncapa, a m’alliscià ‘e capille,
a mme piaceva, ca so’ piccerella,
si nun ce ‘o fa na mamma, chi ce ‘o fa?
Mò, finalmente, io me so’ scetata,
‘a freva, meno male, se n’è ghiuta,
essa, ncopp’’a pultrona, s’è abbattuta,
pe’ na mez’ora ‘a voglio fa durmì!
Ma vuje ‘a cunuscite ‘a mamma mia?
Essa è ‘a cchiù bella ‘e tutt’’e mamme
e saccio ca pure si nun ‘a chiammo,
quando me serve, embè, essa sta llà!
19.3.2017
Wincenzo De Bernardo
Nessun commento:
Posta un commento