Vincenzo De Bernardo M’AVOTO ADDERETO

M’AVOTO ADDERETO

E ogni tanto m’avoto addereto
e penso a tutt’’e ccose già passate,
si penso ‘a vita mia, chello ch’è stato…,
me meraviglio…, è capitato a mme?

Pecchè giorno pe’ giorno, nun t’accuorge
‘e chello ca man mano te succere
ma, po’, passanno ‘o tiempo, dici: è overo
e cirche ‘e capì comme e ‘o pecchè!
Ire guagliona, mò, femmena fatta,
cu tuo marito, he fatto na famiglia,
si penso c’aggio fatto pure ‘e figli
e songo nonna, pure, ‘e nu bebè!
E allora penso: ‘e cchiù che vai truvanno…,
è stata chiena chesta vita mia
ma, ogni tanto, na malinconia
m’acchiappa e nun saccio spiegà ‘o pecchè!
15.2.2017
Vincenzo De Bernardo