Romano Rizzo Mariuncella

Mariuncella
di Romano Rizzo

Mariuncella, tu ca viene
addu nuje, a primma matina,
puorte sempe ‘int’a sti mmure
na ventata d’aria fina.

Nun appena cca ce trase,
ce scurdammo ‘a pucundrìa,
ca tu puorte, ‘int’a sta casa,
cu ‘o surriso, ll’allerìa.

A stu core tu arricuorde
chella ca luntana sta…
se n’è ghiuta ‘a tantu tiempo
ma ca è stata ‘a meglia età.

Dint’a niente, tu t’arruobbe,
mariuncella, chistu core..
e tutt’’e penziere nire
cu te vanno ‘a parte ‘e fore.

Me surride e, po, me dice,
ca pazzià vuò tu cu mme..
nun capisce ca songh’io
ca pazzià voglio cu tte !!

Mariuncella, nun ‘o ssaje
che miraculo..faje tu..
ca rìale a chistu core
mo..nu surzo ‘e..giuventù !!