… E po’
… E po’
‘int’all’aria chist’addore ‘e sciure
ca te trase ‘mpietto fino ‘nfunno
e quann’ô siente, i’ te l’assicuro,
te pare ca si’ ‘o mmeglio ‘e tutt’ ‘o munno.
… E po’
st’aucielle ‘nfila ‘ncopp’ ê rame
fanno ‘ncoro ‘stu canto ‘e meludia
ca nun te stanca maje e t’arrimane
tutt’ ‘a jurnata ‘o core in alleria.
… E po’
arrive tu ,cu ‘st’uocchie chin’ ‘e desiderio
me curre ‘ncontro stennenneme ‘sti bbraccia
e, tanno ca cerco ‘e capì ca me succere,
tu già me vase e m’accarezze ‘a faccia .
…E po’
tutto addiventa assai cchiù bello
tenennète stregnuta ‘ncopp’ô core,
attuorno a nuje nun canta cchiù n’auciello …
ammutulite, annanze a chist’ammore!
Maria Clotilde Cundari
Nessun commento:
Posta un commento