Giulio Mendozza Cianciusella

Cianciusella

di Giulio Mendozza

T’haggio fatto ‘o pizzo a rriso…,
m’hê guardato cianciusella,
me so’ ntiso ‘mparaviso,
mamma mia, quanto si’ bbella !

T’haggio ditto : “ Me vuo’ bbene ?”
M’hê risposto : “Nun ‘o ssaccio”…
Ma…’stu core chi ‘o trattene,
senza ‘e te, neh, i’che faccio ?

Si’ vvenuta cchiù vicino,
hê ’llungato na manella,
po’ m’hê ditto : “Malandrino!”
e m’hê dato sta vucchella…