Ciro Trocciola CHIOVE

CHIOVE

Chiove ! ...... Maronna , comme chiove !
Che brutta jurnata cupa e nnera !
Già 'o rirorgio mo sona 'e nnove
d' 'a matina e llà ffora ancora chiove ! ....

Jesce sole ! Viene , trase dint' 'e ccase
e lèvace a cuollo sta brutta malincunia !
'O core e na malatìa s' appucundrisce
si tu nun ce' faje nu poco e cumpagnia ! ....

C' 'o sole o cu' ll'acqua , nèh , vuje vedite
comme passano ambresse sti ghiurnate ?!
Ce' sentimme tutte quante stanche e afflitte
e quanno po' nce penzammo, addeventamme

tanta relitte !....Passa 'a matina , 'o pomerigge ,
e passa pure 'a sera e 'a notte ... e bonanotte !
O tiempe ch' è nu marpione , se' fà 'e calcule
e fuìenne , ce' dice : bbona ggè jàte a fancule ! ....

Po' si cheste nun bastasse , se mette mmieze
pure 'o destino ca ce' sta vicino e fà 'o zeze
dicenne : " Guagliò , 'o tiempo sta passanno ,
mo t' aggia purtà guaje , malatìe e affanno ! " ....

" Jesce jesce sole , e vestimme a sti figliòle
ca stanno 'ncopp' 'a rena a piglià 'o sole ,
stanno tutte annure sulo 'ncapo c' 'o parasole ....
po' passa fujenne fujenne zi' Tore sotto 'o sole
e ca vocca scugnata dice : Ma che bboni figliòle ! "

di Ciro Trocciola