SERA D'AUTUNNO
(dalle Sillogi TU Malincunia e L’Eco d’’o Tramonto)
Bruno Zapparrata
Aria 'e vennegna,
sta trasenno autunno,
n'addore 'e preta nfosa
ca saglie lentamente,
me fa sentì cchiù doce,
malincunia e turmiento.
Ll'aria s'è fatta tennera
e m'accarezza ll'anema,
chiammano 'e pprimme voce,
è 'o tiempo d''e castagne...
Ll'urdema rundinella,
s'attarda vo' pazzià,
ce dà l'arrivederci,
vulato è n'anno già...
Quacche capillo janco
timidamente sponta,
vò dicere ca è sera,
è accumminciata 'a scesa...
Sona 'a campana 'o vespero,
na mamma chiamma 'o figlio,
è ll'eco ca risponne,
è 'o suono 'e na chitarra
ca sona 'a nonna...nonna,
a tutt''e stelle ncielo,
a chi spera e nun trova...
a me: c' aspetto ancora!
Bruno Zapparrata.
E' un onore ed un privilegio essere annoverato tra le bellissime cose che proponi come il Blog in argomento. Sei una persona meravigliosa ed una vera amica. La tua stima nei miei confronti sia come uomo che come poeta è un sentimento preziosissimo che conservo gelosamente e ricambio a te MUY LINDA MUJER e magnifica poetessa. GRAZIE!!!!
RispondiElimina