'O PRESEBBIO
Me ne stevo mmiez'e pecurelle
sott'o cielo trapuntato 'e stelle.
Che lluna sbrennente, luna chiena,
ringrazziavo a dDio 'e ogne bene!
Quanno tutto nzieme, a ntrasatto,
na voce amabbela, forte se sentette:
“Currite....currite!!!VeniteLe a bberé!
E' nnato!... E' nnato 'o rRe 'e tutte 'e rre!!!”
E subbeto, senza manco ce penzà,
me ncammenaje pe lLo gghi a ttruvà.
I' m'aspettavo 'e truvà nu castiello,
addò se fa festine, addò s'abballa.
Nvece tra nu vitiello e nu ciuccieriello
na Mamma deve 'o llatte 'o piccerillo.
Ma qua castiello? Chella era na stalla!
Comme se fa a cummettere st'errore?
Ddoje bestie pe le da nu poco 'e calore,
e sta voce ca continuava cu ffervore:
“Currite...Currite! Chieste 'e 'o Criatore!!!”
Comme? Che ddice? Ma te si mpazzuto?
Comme faje a ddi sti ccose? Ma he bevuto?
Me ne stevo turnanno ,ma na stella,
cu na luce maje vista accussì bbella,
nu brivido me sentetto ncopp'a pelle.
I' nun ve saccio proprio a ddi che fuje,
nun sulo a mme ma a tutte nuje,
sta luce, stu silenzio, sta cumeta
ce facetteno turnà tutte quante areta.
Allora n'ata luce s'appicciaje int'o core,
e me sento nu senso doce e chine 'ammore.
L'anema mia capette primma 'e me,
e me facette capì tutto e vedé.
Perdoname Siggnò, aggio capito
cumm'è che accussì tu si vvenuto,
pe ffa capì pessino a nnuje mischine,
ca nun è ssulo chesto pe nnuje 'o destino.
Povero si vvenuto mmiez'e puverielle,
pe mmezzo de Maria, stella tra 'e stelle.
E cchi te vene a cercà cu tutt'o core
arriva a capì ca si 'o Siggnore.
Versi di Gennaro Picone
IL PRESEPE
Me ne stavo tra le pecorelle
sotto il cielo trapuntato di stelle.
Che luna splendente, luna piena,
ringraziavo Iddio per ogni bene!
Quando all'improvviso
si sentì una voce amabile ma forte:
“Correte...Correte Venite a vederLo!
E' nato... è nato il Re dei re!!!”
E subito senza neppure pensarci
m'incamminai per andarLo a trovare.
Io m'aspettavo di trovare un castello,
dove si fanno feste, si balla.
Invece tra un vitello ed un asinello
una Mamma allattava il suo Piccolo.
Ma quale castello? Quella era una stalla!
Come si fa a commettere questo errore?
Due bestie per dargli un poco di calore,
e sta voce che continuava con fervore:
“Correte...Correte! Questo è il Creatore!!!”
Come? Che dici? Ma sei impazzito?
Come fai a dire ste cose? Ma hai bevuto?
Me ne stavo tornando , ma una stella,
con una luce mai vista così bella,
sentii un brivido sopra la pelle.
Io non so proprio dire che fu,
non solo a me ma a tutti noi:
sta luce, sto silenzio, sta cometa
ci fecero tornare tutti quanti indietro.
Allora un'altra luce si accese nel cuore,
e sentii un senso dolce e pieno d'amore.
L'anima mia capì prima di me
e mi fece comprendere e vedere tutto.
Perdonami Signore, ho capito
come è che sei venuto così,
per far capire persino a noi meschini
che non è solo questo il nostro destino.
Povero sei venuto tra i poveri
per mezzo di Maria,stella tra le stelle.
E chi viene a cercarti con tutto il cuore
arriva a capire che sei il Signore.
Edito da Gennaro Picone
