Dint'e cerevelle 'e chella capa piccerella chisà che staje penzanne!
Staje llà, inerme e fermo cu ll'uocchie ca guardano sulo nu punto...
chisà si chello ca te sto dicenne siente!
Io, voglio essere pe tte nu punto 'e riferimento finché campo e,
voglio darte tutt'o bbene dò munno,
pè mme, si n'essere speciale ncopp'a chesta terra,
n'essere innocente, bbuono e, senza cattiveria...
na criatura ca nun fa male a nisciuno ma, ca se ribella accussì, silenziosamente!
Sta vita mia tu 'a riende importante e, mme faje sentì ca songo viv'a dinto!
Pure si tengo nu dulore, rido, pazzeo cu tico e, tè tengo abbracciato,
pè farte sentì ca nun si sulo e ca, ttiene nu tesoro vicino a te...vita!
Nisciuno pò capì ll'ammore ca "n'autistico" pò dà
pure senza dicere na parola!
Nisciuno crede a Ddio si da jsso s' alluntana!
Crediteme...s' hannà vivere cu 'o core cierti avventure!MN
Nessun commento:
Posta un commento