‘LL’OMBRA D’’O PPASSATO
di Carmine Barretta.
Me porto appriesso
Ll’ombra d’’o passato:
ca senza permesso,
nun m’ha maje lassato.
Ogne tanto arapo ‘a porta…
Essa trase e fa ‘a padrona.
E si tene ‘a luna storta…
Scumpare sotto a ‘nu lampione!
E me ggira sempe attuorno,
nun me lassa ‘nu mumento.
Faccia tosta, senza scuorno…
Tene tutte ‘e ccose a mmente!
I’ me songo affezziunato:
m’accumpagna ogne mumento.
E’ n’ombra vecchia, d’’o passato…
Nun sulo ‘a veco, ê vvote ‘a sento!
Carmine Barretta
Nessun commento:
Posta un commento