Romano Rizzo Na mamma

 Romano Rizzo

Na mamma

Na mamma è comm’’o sole, ‘a luce, ll’aria,

è na canzona, è musica d’ammore,

ancora cchiù d’’o ppane è nicissaria

pecchè è na fiamma ca te scarfa ‘o core.

D’’a vita essa è ‘a surgente e po nu sciummo,

nu sciummo fatto ‘e llacreme e suspire;

jettasse i’ tutte cosa, ô mare ‘nfunno

p’avè ‘a ducezza de chill’uocchie nire

ca luceno nun appena guarda a te,

comme fossero ‘e pperle cchiù preziose,

ma che ‘o meglio tesoro so’ pe mme,

mettenno ‘a coppa ovèro a tutte ccose.

Na mamma è ‘o core ‘e tutta na famiglia,

è chella ca se ‘mmenta mille scuse

sulamente pe fà ‘o bbene d’’e figlie

ca ‘mpietto tene, notte e juorno,‘nchiuse.

Ll’accarezza c’’o sciato, ê dà cunziglie

comme nu core ‘e mamma sape fà.

‘A quanno munno è munno, pe nu figlio

na mamma è ‘a meglia cosa ca ce sta!!