Scorre ll’inchiostro dìnt’’o foglio a rrighe
ma quanti ccose tiene ‘a raccuntà!
O ‘e fatte ggiurnaliere o ‘e fatte antiche
e ccomme ‘o ppane tu t’’e ssàje sfurnà.
E ccquànno tìene ‘a nòmmena ‘e Puèta
ce stà chi lègge e nun ll’’e scuntentà!
E pprèja a Ddi’ ca tù ll’he emozzionato
po è ìsso ca te vène a ccummentà.
Quanno sì bbravo tu fàje ‘o portavoce
illustranno ‘e prubbleme ìnt’’e puèsì
e cchistu core tuòje nun trova ‘a pace
pecchè si ‘o prìmmo ‘e tutte po’ a ssufrì.
Puèta! Chi te chiàmma sfiora ‘e llabbra
e ccquànno ‘o ssiente ‘e dì te vìbbra ‘o core
sì ‘a dìnt’’o sacco tuòje fàje ascì ‘nu libbro
te vìnne p’e ddòje lacreme d’ammore.
Mimmo Coppola
Nessun commento:
Posta un commento